Тадбирнинг энг юқори мукофотига "Ўзбекинвест" кубоги" жорий этилди. 10 сентябрь куни мусобақанинг 1-босқичи- чорак финал ўйинлари бўлиб ўтди. Унда ғолиблар аниқланди ва бугун, 17 сентябрь куни, ярим финал ҳамда якуний финал босқичлари бўлиб ўтди. Асосий 1-ўрин ва "Ўзбекинвест"кубоги" учун кураш жуда қизғин ўтди: мини-футболнинг барча ўйинларида шижоат, завқ- шавқ билан ўйнаган жамоалар ўз мукофотларини қўлга киритдилар.

Хусусан, жамоалараро ўйинлар ичида "Энг яхши тўпурар" номинациясида Ўзбекинвест-Асисстанс" МЧЖ раҳбари Авзал Маҳмудов, "Энг яхши дарвозабон" номинацияси бўйича Қорақалпоғистон Республикаси филиалидан Жўлдасов Дастан, "Энг яхши футболчи"номинацияси бўйича Исмаилов Ниятулла ўз мукофотларини қўлга киритдилар. Фарғоналик жамоа финал босқичида 3- ўринни, Сурхондарё жамоаси 2-ўринни, барча футбол командаларини ютган Қорақалпоғистон Республикаси филиали командаси эса 1-ўринни эгаллаб, "Ўзбекинвест кубоги"ни қўлга киритдилар.Барча ғолибларга мукофотларни "Ўзбекинвест"ЭИСК АЖнинг Бош директори Азимов Рустам Садикович топширди, деб хабар беради "O'zbekinvest" Ахборот хизмати.